In su 2012, umpare a sos duos sòtzios istòricos Cooperativa Madonna d’Itria e su Consorzio del Sinis coop Agricola, amus dadu vida a sa prima retze de impresa de tzereales sarda denumenada “Filiera del Grano Duro coltivato e trasformato in Sardegna”, chi oferit produtos pro un’alimentatzione sana, pro mèdiu de unu sèberu atentu de sas matèrias primas.
Sa “Fondazione Istituto Tecnico Superiore Filiera Agroalimentare della Sardegna” est un’istitutu ministeriale de frecuentare a pustis de su diploma a ispetzializatzione tecnològica arta, in su setore agroalimentare. At comente punna sa formatzione de “supertècnicos” cualificados meda in sos diferentes setores de sas produtziones agroalimentares: produtzione, mudadura, “marketing” cummertziale, cummertzializatzione e trasportu.
Su “ITS TAGSS” Filera agroalimentare de sa Sardigna est unu de sos 98 Istitutos Tècnicos Superiores (ITS) chi rapresentant sa prima esperièntzia italiana de oferta formativa de su setore tertziàriu chi format pro unu mestieri cunforma a unu sistema consolidadu dae unos cantos annos in sos àteros paisos euròpeos. Nàschidos in su 2010 pro formare tècnicos superiores in àreas istratègicas pro s’isvilupu econòmicu e sa competitividade in Itàlia, sunt iscolas de tecnologia arta ligadas a manera funguda a su sistema produtivu chi preparant sos cuadros mesanos ispetzializados pro guvernare e isfrutare su potentziale de sas solutziones de Industria 4.0. Atzedint a sos ITS, posca de seletzione, sos giòvanos e sos mannos chi ant unu diploma de istrutzione segundària superiore. Cunforma a sos datos de su monitoràgiu MIUR 2018 a un’annu dae su tìtulu ITS, s’insertada in su traballu est de s’ 82%. Mègius de s’Universidade: 68% pro sas làureas de tres annos e 71% pro cussas magistrales.
Su valore annantu de sos percursos de s’ITS TAGGS est in s’interessamentu, in totu sas fàsias de su percursu formativu, de sas realidades produtivas regionales e natzionales chi apartenint a sas fileras agoalimentares e a sos protzessos de chirca, annoadura e isvilupu.
In su 2012, amus dadu vida a sa prima retze de impresa de tzereales sarda denumenada “Filiera del Grano Duro coltivato e trasformato in Sardegna”, chi oferit produtos pro un’alimentatzione sana, pro mèdiu de unu sèberu atentu de sas matèrias primas
Su campu de atzione de s’idea progetuale si riferit a sa filera de sos tzereales e at comente punnas sa produtividade e sa sustenibilidade.Dae su puntu de annotu de sa produtividade, si previdit de:
- afortiare sa cooperatzione “che pare” e su cunfrontu verticale de filera tra sos sugetos de su GO proponende·lu comente cosa chi atiret impresas e intelligèntzias
- cumpartzire mèdios, trastes e connoschèntzias de sa chirca pro annoare, minimare sos gastos e fatzilitare sos protzessos, sa connoschèntzia e s’iscoberta a nou de su territòriu (“annoadura abbaidende sa costumàntzia” de retzetas, de manìgios e variedades vegetales)
- annoare sas maneras de intrare in su mercadu locale, UE e internatzionale (“marketing”, tradutziones, chircas de mercadu)
- iscobèrrere e valorizare su territòriu, sas coltivatziones antigas e sas retzetas istòricas, dare·lis sas tzertificatziones e valoriza·las intro de unu cuadru mèigu-nutritzionale acumpangiadas dae etichetas chi faeddant e dae sa comunicatzione de su preju giustu a chie la còmporat
- introduire sas tecnològias de pretzisione in sas coltivatziones pro una crèschida de sa produtividae e de sa sustenibilidade
Su matessi, dae su puntu de annotu de sa sustenibilidade, si previdit de:
- fàghere subra de sa minimadura e adecuamentu a sa mudadura de su clima e a sa desertificatzione chi s’est averiguende, cun s’impitu de tècnicas de agricoltura cunservativa, su sèberu, s’istabilizatzione ( autoprodutzione) e adotzione de variedades rùsticas, antigas e resistentes o su sèberu de mischiaduras e variedades noas cun protzessos de megiòria “genetivo partecipativo”(ùtiles puru dae su puntu de annotu mèigu-nutritzionale)
- operare collaborende cun istruturas de chirca e isperimentatzione, consulentes e espertos in màteria de cunfrontare cun sa pràtica de sos operadores pro istabilizare sa produtividade e gestire sas calamidades naturales puru pro mèdiu de s’adotzione de compudu de su tempus
- compidare e carculare sos resurtados ambientales e lòmpere a solutziones comunes, de valorizare cun su consumadore
in congruida
Custos obietivos e atividades promòvint s’annoadura e sa cussèntzia de s’ambiente e s’eficatzidade de impitu de sas resursas in àmbitos produtivos pro istabilizare sas produtziones agro-alimentares e de materiales biològicos adatende·si e minimende sas mudaduras de su clima, intervenende in su raportu cun sa chirca, sos consulentes e sas comunidades locales cun s’iscàmbiu de ideas e curretziones pràticas pro s’impitu in su logu e pro produtziones mannas, ingendrende valore annantu e sensibilizende sa chirca pro annoaduras noas, segudende, gasi, de su totu sos obietivos trasversales de annoadura de su PST Sardigna 2012-2020.
