Tiesi est su cabu de logu naturale de su Meilogu, sub-regione de su Logudoro, su nùmene de su cale cheret nàrrere “logu de mesu” pro sa positzione tzentrale sua a intro de s’antigu giuigadu de Sorres.
Su logu, ricu de buscos de èlighes, cherchigiones e chercos suarinos, rapresentat unu caminu perfetu pro passigiadas in mesu de sa natura.
Un’interessu particulare intzìdiat su buscu de suèrgiu de Su Padru in ue si podent atraessare camineras medas, a cuntatu deretu cun sas prantas arestes.
In su tzentru abitadu est de importu sa presèntzia de crèsias, tra custas ammentamus sa Parròchia de Santa Bitòria, fraigada in sa finitia de su de XV sèculos, in istile gòticu catalanu e su santuàriu de sa Madonna de Seunis. A intro de su museu intitoladu a issu, si podet visitare sa mostra chi b’est semper de su pintore mannu Aligi Sassu.
S’econòmia si caraterizat pro sa presèntzia funguda de sa filera cumpleta de mudadura de su late berbeghinu, importadu dae tota s’Ìsula e mudadu in casu destinadu a su mercadu natzionale e internatzionale.
